На денешната седница на Владата, утврден е Предлог-законот за отпис на камати и репрограмирање на долгови и трошоци на граѓаните во услови на КОВИД-19.
Со овој Закон, како мерка за ублажување на последиците од пандемијата, вклучен во петтиот пакет мерки, Владата уште еднаш ја потврдува грижата за граѓаните и социо-економските последици кои тие ги почувствуваа поради пандемијата со КОВИД-19.
Опфатени се преку 150.000 граѓани, пред сè најсиромашните, а законското решение ќе донесе позитивен импакт, бидејќи ќе им овозможи на граѓаните, растоварени од притисокот да ги плаќаат каматите, да ја исплатат само главницата на долгот и тоа на повеќе рати.
Приватните компании немаат ваква законска обврска, но упатуваме порака да го следат овој пример на доброволна основа, и со тоа да демонстрираат општествена одговорност и да им излезат во пресрет на граѓаните.
Фејсбук статус на Арјанит Хоџа – министер за земјоделство, шумарство и водостопанство
