Познатиот германски трговски синџир „Лидл” доби одобрение за градба во Битола. „Лидл Македонија” супер маркетот во Битола ќе го гради на влезот од патот Прилеп-Битола, кај местото викано Дулие. Со изградба ќе започне на трети август. Според информациите кои ги објави порталот Битола њуз, повикувајќи се на информации од поставената табла, рокот за изградба на објектот е една година, а изведувач на работите е градежната фирма „Карпош“ од Скопје. Проектот за трговскиот центар го изработила битолската фирма „Иванов инженеринг“.
Според најавите, трговскиот синџир „Лидл“ треба да отвори маркети во осум градови низ Македонија.
