На овој голем христијански празник Свети Трифун, учествував на традиционалното закројување на лозјето во Неготино и Кавадарци. На закројувањето учествуваа и градоначалниците Тони Делков и Митко Јанчев.
Минатата година беше најтешката година за винската индустрија кај нас и во светот. Пандемијата ја наруши трговијата со флаширано и наливно вино. Во такви услови, Владата и Министерството за земјоделство, шумарство и водостопанство, ја покажаа на дело својата вистинска грижа и за лозарите и за винарниците. Успеавме да најдеме заедничко решение, донесовме интервентни мерки и успешно ја надминавме кризата.
Пред нас е нова производна година. Да мислиме позитивно, да делуваме заеднички и нaвремено, како што се договоривме.
Нашето грозје е со висок квалитет, затоа и нашите вина се надалеку познати по богатсвото на вкусови, ароми и добар карактер. Повеќе години наназад, виното е трет производ по вредност во извозот, зад тутунот и пекарските производи. Ова само го потврдува неговото значење за вкупната домашна економија.
Денешниот празник Свети Трифун, е заштитник на лозарите. Нека донесе богат род, квалитетно вино и успешна сезона!Ви го честитам празникот и нека е за многу години.
Фејсбук статус на Арјанит Хоџа, министер за земјоделство, шумарство и водостопанство
