Кукурирањето на петлите, звукот на тракторот , на црквените звона, штурците, но и мирисот на коњски измет и некои други звуци карактеристични за селото, во Франција стануваат природно наследство , односно т. н „ сетилно наследство од селата“ пренесува AFP.
Државниот секретар за рурална средина Жоел Жирод оценува дека ова е добар закон кој ја „штити руралната средина“ и додава дека „животот на село подразбира и прифаќање на некои препреки“.
Претставникот на Сенатот Пјер Антоан Леви смета дека законот претставува „цврст симбол“ додавајќи дека би можел да биде корисно средство за локалните претставници за да ги разуверат незадоволните соседи кои понекогаш се жалат на овие звуци.
Неколку вакви жалби привлекле и медиумско внимание. Најпознат е случајот со петелот Морис чии соседи во местото Рошфор на југоистокот на Франција во јули 2019 година, поднесле тужба против неговиот сопственик бидејќи кукурикал премногу гласно и рано.
Тогаш судот пресудил во корист на Морис на кој му било дозволено да продолжи да кукурика, а пред судот поддршка за петелот дале и други сопственици кои ги донеле своите животни.
Освен овој случај, сличен таков е забележан во 2019 година, а главни актери биле разговорливи патки и гуски.
„Руралниот живот значи прифаќање и на несаканите звуци“, им рекол на пратениците, владиниот министер задолжен за рурален живот.
Со овој закон , појавите од како што се гакањето на гуските па се до транспортот на шталско ѓубриво низ селото ќе бидат заштитени како дел од природното наследство, односно како дел од нивниот закон за животна средина.
Извор: Агроклуб
