Франција ја повика Европската комисија брзо да одговори на нејзиното барање со кое се бара на француските вианри да им се надокнади штетата што им е нанесена од воведувањето на американските царини.
САД вчера на 12.01.2021, воведе нови царини за увоз на авионски делови, вино и жестоки пијалоци произведени во Франција и Германија во склоп на спорот со ЕУ околу субвенциите за Боинг. Француските винари веќе минатата година забележаа пад на извозот во САД, после првата рунда царини од 25% која ја воведе кабинетот на Доналд Трамп.
Француските власти уште тогаш ја повикаа Европската комисија да формира фонд кој ќе служи за надоместок на штетата на вианрите, а тој апел до сега остана без одговор, изјави францускиот министер за финансии Бруно Ле Мер.
-„Жалам поради бавноста со која Европската комисија одговара на нашето барање за формирање на фонд за надоместок на штетата. Секторот винарство е тешко погоден и му е потребна европска поддршка“, изјави Ле Мер на конференцијата за новинари.
– „Сакам Европската комисија брзо да реагира на нашиот предлог “, нагласува францускиот министер, додавајќи дека решавањето на трговската напнатост со САД ќе биде негов приоритет на состанокот со новиот американски претседател Џо Бјаден.
Француското здружение на извзоници на вино соопшти дека, дополнителните царини, секторот ќе го чинат повеќе од милијарда евра.
Ле Мер, побара на винариите да им се овозможи одложување на враќањето на кредитите и да се зголеми максималниот износ кој можат да го добијат од фондот за компании тешко погодени со кризата од корона вирусот.
Извор: agroklub.com
