Во поголемиот дел од годината, жителите на „највисокото“ село во Европа немаат контакт со остатокот од светот.
Помеѓу 2.060 и 2.200 метри надморска височина, на планината Шара во Грузија, во регионот Сванети, се наоѓа „највисокото“ населено место во Европа, кое е населено преку целата година.
Ушгули е всушност заедница од четири помали села: Жибијани, Чвибијани, Чажаши и Муркмели и во нив живеат околу 70 семејства или околу 200 жители. Куќите во селото се главно рурални, а некои од нив се под заштита на УНЕСКО.
Селаните велат дека зимата овде трае 7 месеци.
Селото Ушгули се наоѓа во областа Сванети позната по своите кули. Некогаш ги имало дури 400. Кулите служеле за заштита на соседите една од друга. Многу од кулите за жал се урнати, иако Ушгули е прогласен за светско наследство на УНЕСКО.
Единствениот пат до кој се стигнува до ова село е патот кој води до градот Лентехи, а често не е достапен. Во текот на летото, можно е да се стигне до највисокото село во Европа со автомобил, но во зима најчесто тоа не е можно.
Сепак, на жителите на ова село тоа не им пречи. Тие се навикнати на условите во кои живеат. Нивните деца одат во локалното училиште, а таму ги има сите потребни институции за функционирање на селото.
Посебна атракција на ова место е капелата од 12 век, изградена за време на владеењето на кралицата Тамара, а покрај неа има уште неколку објекти на списокот на светско наследство на УНЕСКО, од кои за Сванети се особено карактеристични одбранбените кули – област инаку богата со историја.
Токму поради недопрената природа и автентичниот изглед, ова село се почесто се наоѓа на мапите на туристите. Оние кои веќе биле таму, велат дека се воодушевени и од природата и од љубезноста на локалното население.
