Австралиецот Кингсли Вандерси, специјалист за прецизно земјоделство во Вандерфилд и обожавател на „John Deere“, ја организирал својата венчавка на уникатен начин – во голем шатор чија конструкција се состоела од комбајни во препознатлива зелена боја. Со оваа акција тој сакал да му оддаде почит на својот покоен дедо Гордон Вандерси, кој во 1963 година ја основал споменатата компанија Вандерфилд за дистрибуција на земјоделски машини, пишува Queenslandcountrylife.
Кингсли и неговата млада сопруга Клои велат дека изградбата на такво уникатно место не била лесна задача.
Биле потребни два дена за да се постават шаторите, кои биле распоредени на шест комбајни од „John Deere“ серија S, поточно на нивните продолжени цевки за истовар. Користеле четири модели S770, еден S670 и еден S780, кои ги позајмиле од пријатели и соседи.
Имало само едно правило – машините морале да бидат зелени. Два дена им биле потребни да ги наредат трите глави и да ја закачат прилагодената церада.
Сопругата на Кингсли, Клои, не потекнува од земјоделско семејство, но го цени трудот вложен во проектот на нејзиниот сопруг и многу ѝ се допаднала целата инсталација.
