Мокра Гора е село во Србија, во близина на Ужице, на планината Златибор, кое го дочека својот „нов живот“ во 21 век и благодарение на уникатната Шарганска осмица, како и градот Меќавник Дрвенград, е туристичка атракција во Западна Србија која годишно ја посетуваат многу туристи од земјата и светот.
На последната седница на Генералното собрание на Светската туристичка организација на Обединетите нации во Мадрид (UNWTO), српското село Морка Гора е прогласено за најдобро туристичко село во светот.
Избрано е во остра конкуренција меѓу повеќе од 170 апликации од 75 земји во светот, каде што 44 села ја освоија оваа титула.
„Мокра Гора во Србија со право беше прогласена за едно од најдобрите туристички села во 2021 година во светот. Светската туристичка организација ја препозна Мокра Гора како исклучителен пример на рурална дестинација со огромен потенцијал за подобрување на руралниот туризам. Тоа е туристичко село кое ја негува културата и ја чува традицијата, ја слави различноста, дава можности за развој на одржлив туризам и го зачувува биодиверзитетот“, изјави министерката за трговија, туризам и телекомуникации на Србија, Татјана Матиќ.
