Додека повеќето негови врсници спијат, малиот Јован Гајиќ од селото Ситница на Мањача во Босна и Херцеговина, веќе околу седум часот наутро е на нозе, бере малини, кои им ги продава на патниците на магистралата.
„Не е како порано, убива оваа корона. Луѓето патуваат помалку и трошат помалку, но сепак се заработува нешто“ – вели овој мал земјоделец и трговец, за кого Српскаинфо има пишувано и претходно.
Упорниот Јованче останал доследен, иако, вели дека заработува помалку отколку претходните години.
„Се случуваше муштерија да купи корпичка со јагоди за 5 марки, а да ме чести со уште 50. Денеска таков бакшиш е реткост, иако луѓето некогаш ме честат со две-три марки“, вели Јованче.
Ова вредно момче од септември тргнува во осмо одделение и како и претходните години сам ќе си обезбеди пари за учебници, нови патики и гардероба…, пренесува Српскаинфо.
Во Ситница на Мањача, покрај главниот пат Бања Лука – Мркоњиќ Град, често може да се видат и други деца, кои им нудат на патниците малини, диви јагоди и капини.
Извор: srpskainfo.com
