Филип Морис Интернешнал (ФМИ) деветта година по ред го носи престижниот наслов „Најдобар работодавач“, што го потврдува нејзиниот статус на компанија која поставува највисоки стандарди во управувањето со човечките ресурси на глобално ниво. Ова значајно признание е резултат на независната проценка од страна на Институтот за врвни работодавачи, кој ФМИ ја сертифицира како глобален лидер во поддршката на своите вработени.
Според Фред Патитучи, главниот директор за луѓе и култура на ФМИ, ова признание е доказ за посветеноста на компанијата кон создавање на инклузивна средина која овозможува сите вработени да се чувствуваат вреднувани и ангажирани. „Да се биде именуван за глобален врвен работодавач деветта година по ред е извонредно достигнување со кое сите мои колеги можат да се гордеат. Ова признание е доказ за нашата посветеност на вградување на културата не само како функција или политика, туку како стратегија водена од бизнисот каде што сите вработени се колективно одговорни за отелотворување на нашите вредности и однесувања“, истакна тој.
Сертификацијата за врвен работодавач е резултат на независна проценка која се врши преку оценување и детална анализа на различни аспекти, вклучувајќи стратегии за луѓе, учење, различност, инклузија, благосостојба и работна средина. Филип Морис се издвојува како компанија која активно инвестира во развој на своите вработени, со цел да обезбеди професионален раст и чувство на припадност на сите 8.700 членови на тимот низ светот. Матичната компанија на Филип Морис Интернешнал е една од 17-те меѓународни организации наградени со овогодинешниот глобален сертификат за врвен работодавач. Филијалите на ФМИ исто така беа препознаени како водечки работодавачи во 32 земји низ Европа, Блискиот Исток, Африка и Азија/Пацификот.
Извршниот директор на Институтот за врвни работодавачи, Дејвид Плинк, нагласи дека компанијата Филип Морис Интернешнал постојано демонстрира посветеност на своите вработени. „Во време на постојани промени – каде технолошките, економските и социјалните промени се постојано присутни – исклучителни времиња го покажуваат најдоброто кај луѓето и организациите. Сертифицираните Топ работодавачи за 2025 година покажа извонредна посветеност на своите вработени на глобално ниво, на практиките, на луѓето ширум светот и ги прави да се истакнат како ексклузивна група која добила глобална сертификација преку Програмата за врвни работодавачи,“ додаде тој.
Институтот за врвни работодавачи е број 1 глобален авторитет за стратегии за човечки ресурси. Оваа сертификација доаѓа во време кога ФМИ активно работи на својата визија за „иднина без чад“. Компанијата има инвестирано над 12,5 милијарди долари во развој на производи без чад наменети за возрасни кои инаку би продолжиле да пушат, со цел целосно да се прекине продажбата на цигари.
Признанието на Филип Морис како најдобар работодавач е доказ за тоа дека компанијата, не само што ја трансформира тутунската индустрија, туку и дека секојдневно го потврдува својот фокус на луѓето создавајќи средина која ги мотивира своите вработени да придонесат за позитивна промена на глобално ниво – што е суштинска вредност во нејзината деловна стратегија. ФМИ веќе десет години има локална компанија и во Македонија – Филип Морис Тутунски Комбинат Прилеп, во која исто така се почитуваат највисоки стандарди за управување со човечките ресурси кои важат за целата компанија.
