Фарма за свињи во Северна Германија денеска почнала да ги усмртува своите 4.000 свињи, откако било потврдено присуството на вирусот на африканска свинска чума.
Епидемијата е откриена во близина на Гестро, на околу 185 километри северозападно од Берлин, на голема фарма. Случаите на африканска свинска чума во Германија за прв пат беа откриени кај популацијата на диви свињи минатата година, а потоа беше потврдено ширењето на инфекцијата на малите фарми.
Африканската свинска чума обично е смртоносна за свињите, но луѓето не можат да бидат заразени со оваа болест. Данска, која е главен извозник на свинско месо, неодамна ги засили мерките за спречување на ширењето на африканската свинска чума од соседна Германија.
Официјални лица велат дека сè уште не е јасно како болеста навлегла во фармата во близина на Гестро, каде што била откриена оваа недела.
Извор: abcnews.go.com
