Европјаните годишно консумираат околу 14 килограми домати по глава на жител. Оваа бројка до крајот на деценијата би можела благо да се намали и тоа на 13,6 килограми по глава на жител годишно.
Европската комисија ги објави прогнозите за следните десет години, кога станува збор за производството на овошје и зеленчук, а посебен акцент е ставен на три врсти на производи и тоа: праски, јаболка и домати. Кога станува збор за доматите, бриселските аналитичари велат дека европското производство на овој вид ќе биде повеќе од 16 милиони тони, од кои 40% ќе бидат наменети за свежа консумација, а останатите за преработка. Извештаите велат дека производителите од северозападна Европа се најзаслужни за ова зголемување.
Според Комисијата, европското производство на свежи домати нема да претрпи значителна промена. Се очекува само незначителен пад од 0,3 % кој ќе биде предизвикан од намалувањето на површините и зголемувањето на производствениот период.
Потрошувачката на свежи домати останува речиси на истото ниво како и во текот на последните десет години. Европјаните годишно консумираат околу 14 килограми домати по глава на жител. Оваа бројка до крајот на деценијата би можела благо да се намали за 0,5%.
Според истражувањата потрошувачите повеќе ги сакаат малите сорти на домати. Малите сорти, стануваат се подобри бидејќи производителите и маркетинг компаниите постојано работат на подобрување на вкусот, квалитетот и безбедноста на храната. Потрошувачите се спремни да платата повисока цена за овие домати, а со тоа придонесуваат и за намалување на отпадоците од храна.
Што се однесува до увозот, 72% од доматите кои доаѓаат од европскиот пазар се од Мароко, а 18 % од Турција. Се предвидува дека тој увоз ќе расте за 0,4 % годишно.
Hans Christoph Behr, е стручњак во земјоделско –прехрамбениот оддел на германската фабрика Agrarmarkt Informations-Gessellschaft,. Во својот говор што го одржа на конгресот Global Tomato истакна дека секторот кој се занимава со производство на домати е голем и постојано расте. При тоа се мисли пред се на продажбата, благодарејќи на растот на производството и на таканаречените „посебни“ формати.
Извор: Агрокуб.рс
