Европската комисија ја започна иницијативата за рурален пакт најавена во долгорочната визија за руралните области на Европската Унија. Таа има за цел да ги мобилизира јавните власти и учесниците да дејствуваат во согласност со потребите и барањата на овие области и заедници.
На тој начин ќе се создаде заедничка рамка за соработка и ангажирање на национално, регионално и локално ниво во Унијата. Оваа иницијатива за прв пат беше претставена во јуни 2021 година. Како што е наведено на официјалната веб-страница на Европската Унија, отворена покана да се приклучат на дискусијата за Рурален пакт до членовите испратиле потпретседателката за демократија и демографија на ЕК Дубравка Шуица, комесарот за земјоделство и рурален развој Јануш Војчечовски и комесарот за кохезија и реформи, Елиса Фереира. Тие ги повикуваат сите заинтересирани страни да ја изразат својата посветеност на целите и визијата и активно да учествуваат во развојот и имплементацијата.
Долгорочната визија, во консултација со граѓаните и засегнатите страни од руралните средини, ги идентификува итните предизвици и истакнува некои од најперспективните можности достапни за сите за да ги направат руралните области посилни, поповрзани, поотпорни и попросперитетни.
Во руралните области на ЕУ живеат 137 милиони луѓе, што претставува речиси 30 отсто од нејзиното население и над 80 отсто од нејзината територија. Во последните децении и тие беа погодени од бројни промени, проблеми и предизвици. Затоа, целта е да им се помогне, да се идентификуваат средства за подобрување на квалитетот на животот, да се постигне рамномерен територијален развој и да се стимулира економскиот раст.
Конференција во јуни 2022 година
Со почеток во декември 2021, па сѐ до јуни 2022 година, можно е приклучување на заедницата на Рурален пакт и да се споделат идеи и размислувања за нејзината имплементација и развој.
Исто така, планирана е конференција на високо ниво на Руралниот пакт во јуни 2022 година и тоа ќе биде можност да се соберат сите актери, да се одлучи како ќе се одвива комуникацијата помеѓу владите и засегнатите страни, да се споделат идеи и да се дефинираат активностите што треба да се спроведат.
Како што наведуваат на нивната веб-страница, Рурален акционен план на ЕУ вклучува неколку цели кои покажуваат посветеност на руралните заедници, кои ќе ја промовираат територијалната кохезија и ќе создадат нови можности за привлекување иновативни бизниси, ќе обезбедат пристап до квалитетни работни места, ќе промовираат нови и подобрени вештини, ќе обезбедат подобра инфраструктура и услуги и истакнување на улогата на одржливото земјоделство и разновидните економски активности.
Тука е и создавањето на иновативен екосистем, зајакнување на одржливите транспортни врски и дигитализација, зголемување на еколошката, климатската и социјалната отпорност и поддршка на економската диверзификација.
За повеќе детали посетете го седниот линк: https://ec.europa.eu
