„Европол“ ја спроведе својата петта операција наречена “Silver Axe V” (Сребрена секира V) во која заплени двојно повеќе илегални хемиски производи во однос на минатата година, а операцијата се спроведуваше од 13 јануари до 25 април оваа година во 32 земји, објавија од таму.
Злоупотребата со илегални пестициди се прави почнувајќи од трговијата со лажни или погрешно означени производи, па се до илегален увоз на забранети материи, како што е хлорпирифос, на кој всушност најмногу се однесувала операцијата. Инспекциите извршиле контроли на копнените и морските граници, на внатрешниот пазар како и во испораката на стоката на повеќе од 3.000 тони пестициди. Вкупно се покренати 260 истраги, уапсени се две лица и запленети се точно 1.345 тони од овие илегални хемиски материи чија вреднсот се проценува на 94 милиони евра.
Зголемена продажба на глифосат за 10% и покрај можната забрана
Италијанските власти заплениле 16,9 тони фалсификувани пестициди во вредност од 300.000 евра, пронајдени во склад во една италијанска провнција, а моментално уште траат осум истраги во Белгија, франција, Германија, Полска, Словенија и Швајцарија.
Како што тврдат од Европол, количината која е запленета била доволна за прскање на 207.000 хектари земја, односно повеќе од целото земјоделско земјиште на Германија, 75 % на Франција или повеќе од 150 % во Романија.
Во пет години се запленети скоро 2.600 тони
Европската студија проценува дека помеѓу 10% и 14 % од пестицидите на европскиот пазар се погодени од илегалната трговија, и дека криминалците заработуваат и до 70 евра за секој килограм.
За поефикасно да се спроведе оваа закана, после првата операција во 2015 година, развиен е европски координиран пристап, а вкупно се запленети точно 2.568 тони. Оваа важна меѓународна соработка со заеднички напори на јавниот и приватниот сектор беа пресудни за успех на оперативните активности, порачува Европол во своето соопштение и додава дека ја поддржале целокупната операција, која овозможила размена на информации и оперативна и стратешко- аналитичка поддршка.
– „Рекордниот број на пронајдени пестициди јасно покажува ефикасност во меѓународната соработка. Операциите се спроведуваат во повеќе земји, вклучени се бројни тела на ЕУ како и претставници на приватниот сектор. Нашиот сојуз за борба против илегалното земјоделие е пресуден за заштита на животните, природата, како и на самите луѓе“, изјави Катерин Де Боле, извршна директорка на Европол.
Иако пестицидите се еден од најрегулираните производи на пазарот, илегалните можат да претставуваат проблем и огромна закана на целиот еко систем.
Извор:Агроклуб
