Европратениците усвоија став за реформите на земјоделската политика по 2022 година. Тие заклучија дека земјоделската политика мора да биде пофлексибилна, одржлива и поотпорна на кризи со цел земјоделците да продолжат да ја снабдуваат Европската унија со безбедна храна, се вели во соопштението.
Тие прифатија промена на политиката што би требало да придонесе за прилагодување на потребите на одделните земји-членки, но исто така инсистираат и на одржување на еднакви услови во целата унија. Националните влади треба да изготват стратешки планови што треба да ги одобри ЕК, наведувајќи дека имаат намера да ги спроведуваат целите на терен. Комисијата ќе ја провери нивната работа, а не само усогласеноста со правилата на ЕУ.
Промовирање на подобри еколошки перформанси
Европскиот Парламентот исто така, ги зајакна задолжителните климатски и еколошки прифатливи пракси што секој корисник мора да ги достави за да добие директна поддршка. Покрај тоа, европратениците сакаат, најмалку 35% средства од буџетот да ги наменат за рурален развој и за сите видови еколошки и климатски мерки. Најмалку 30% од буџетот треба да бидат наменети за директна исплата за еко-шемите, кои би требало да бидат доброволни, но може да ги зголемат приходите на производителите.
Европратениците инсистираат да се формира советодавна служба за земјоделските стопанства и тоа во секоја земја-членка и да се издвојуваат најмалку 30% од средствата спонзорирани од ЕУ за да им се помогне на земјоделците во борбата против климатските промени, одржливото управување со природните ресурси и заштитата на биодиверзитетот.
Тие исто така ги повикуваат земјите-членки да ги охрабрат земјоделците да одделат 10% од нивната обработлива површина за просторно уредување, како што се на пример жива ограда, непродуктивни дрвја, езерца и сл. што е корисно за биодиверзитетот.
Намалување на плаќањата за поголемите фарми
Европратениците гласаа за постепено намалување на годишните директни плаќања поголеми од 60 000 евра и ограничување до 100 000 евра.
Парламентот нагласува дека субвенциите во ЕУ треба да бидат резервирани само за оние кои имаат мали земјоделски стопанства. Оние што управуваат со аеродроми, железнички услуги, водовод, услуги со недвижнини, постојани спортски и рекреативни терени треба автоматски да бидат исклучени.
Нема да има промени во обележувањето на растителните производи?
Европратениците исто така ги отфрлија сите предлози за резервирање на имиња за производи што содржат месо.
Значи, ништо нема да се промени во однос на производите со растително потекло и нивните имињата што во моментов се користат во продажбата, како на пример вегански хамбургери, колбаси, паштети и слично.
Помош за кризни времиња
Европскиот парламент се обврза за превземање на понатамошни мерки за да им се помогне на земјоделците да се справат со ризиците и потенцијалните идни кризи. ЕУ сака пазарот да биде потранспарентен и стратегијата за интервенција на сите земјоделски производи и практики насочени кон повисоки стандарди за заштита на животната средина, здравјето на животните или благосостојбата на животните да биде изземена од правилата за конкуренција.
Тие исто така бараат кризни резерви со соодветен буџет, кои би се користеле како постојан инструмент за амортизација на нестабилните цени и пазари.
“Премногу земјоделци губат пари и работни места Среќен сум што парламентот ги поддржа моите напори да создадам ефикасен механизам за спречување и подобро управување со таквите кризи“, рече пратеникот Ерик Андриеу.
Поголеми казни за кршење на правилата
Парламентот сака да ги зголеми казните за оние кои не се придржуваат на правилата на ЕУ, како на пример, оние за животната средина и благосостојбата на животните. Тоа треба да ги чини земјоделците 10% од нивните права (во споредба со денешните 5%).
Тие исто така сакаат да воспостават механизам за поплаки од ЕУ. Ова ќе ги задоволи земјоделците и руралните корисници кои се третираат неправедно или неповолно во однос на субвенциите на ЕУ, доколку нивната национална влада не успее да ги реши нивните жалби.
Извор: Агроклуб
