Две лица од струшкото село Подгорци биле лишени од слобода откако биле затекнати при нелегална сеча на дрва во месноста Подгоречки бачила, соопшти Министерството за внатрешни работи.
На 16 октомври во 17 часот, при координирана акција на полициски службеници и Шумската полиција, биле приведени Е.А. (46) и Р.А. (45), двајцата од Подгорци.
Според информациите, тие биле затекнати при нелегална сеча на 43 стебла буково огревно дрво, кои потоа ги товарале во патнички возила „опел“, „застава“ и „сузуки“ за натамошен нелегален транспорт.
Од МВР информираат дека по насоки на јавен обвинител и по целосно документирање на случајот, против двете лица ќе биде поднесена кривична пријава за кривично дело „Пустошење шуми“ по член 226 од Кривичниот законик.
МВР
