Во денешното интервју за Радио Пела, министерот за земјоделство, шумарство и водостопанство, Трајан Димковски говореше за новите повици од ИПАРД и за мерките од Националната програма.
-Од ИПАРД 2 очекуваме повикот за Мерка 7 – Диверзификација на фарите и развој на бизниси да биде до крајот на годинава. Исто така од Националната програма во моментов не е завршен за „Рурална жена“, не е завршен повикот и за „Млади земјоделци“. До крај на октомври очекуваме да бидат завршени и ќе може при крајот на годината да ги објавиме новите повици за истите мерки. Исто и со затварања на повикот на трактори 50 – 50 од национална програма ќе може да се објават новите – изјави Димковски.
