Дигитализацијата на земјоделството може да биде спас за краткорочно зголемување на продуктивноста на земјоделското производство.
Многу други решенија овозможуваат долгорочно подобрување на продуктивноста, но честопати се потребни и повеќе од 10 години за да се видат конечните резултати.
Искуството покажа дека земјоделците ја зголемуваат профитабилноста од 50 до 100% веќе во текот на првите две години со користењето решенија за дигитално земјоделство.
Од планирање на производството до продажба
Дигиталните решенија носат големи придобивки и ја избегнуваат тројната загуба што земјоделецот најверојатно ќе ја има веќе во текот на првата година.
Првата загуба ќе ја почувствува при планирање на производството. Без прецизни податоци за квалитетот на почвата и реалните потреби на земјоделските култури, не е можно оптимално да се пресметаат потребните средства за престојната сезона..
Многу студии докажаа дека, дигитализацијата и прецизното земјоделство ги намалуваат загубите на ѓубривата дури до 30%.
Втората загуба се случува во текот на сезоната. Главно е предизвикана од погрешна проценка на земјоделците, кога станува збор за примена на земјоделски практики. Одложената заштита на земјоделските култури од штетници и болести е одговорна за дури 20 до 40 проценти од загубите на приносите секоја година, и ова е само еден од факторите што влијаат на приносите.
Специјалните софтвери наменети за земјоделството се корисни за земјоделците при донесување на навремени одлуки засновани врз факти и реалната состојба на нивите. На пример, ги следат временските услови на терените и ги предупредуваат земјоделците ако постои ризик од лошо време, штетници или болести.
Конечно, земјоделците трета загуба ја имаат при продажбата на своите производи бидејќи цената на нивните култури зависи од реалниот квалитет и способноста да се гарантира безбедност на храната. Купувачите и трговците на мало во европските земји сè повеќе бараат докази за следење на храната. Производителите мора да покажат кога и каде е засадена секоја култура, како се третирала и каква е нејзината хранлива вредност. Без дигитализација на секоја фаза, не е можно овие податоци да се прикажат транспарентно.
Софтверот AGRIVI е едно од водечките глобални решенија за управување со земјоделското производство ширум светот, и се користи во повеќе од 100 земји. Овој софтвер го користи и Хрватска, и тоа на хрватски јазик. Достапен е на компјутер и на паметн телефон и е лесен за употреба. Земјоделците треба да се регистрираат само преку веб-страницата AGRIVI, да ги внесат своите ниви, по што секојдневните увиди стануваат видливи во реално време.
Мотивацијата за користење на ваквите софтвери е едноставна: зголемен профит за земјоделецот од 50 до 100% односно повеќе пари во неговиот џеб.
Извор: Агроклуб
