ЈП Водовод и канализација – Скопје ја потсетува јавноста дека денес (5 јуни) е последен ден од акцијата за отплата на заостанатите долгови за потрошена вода без пресметка на камата за задоцнето плаќање.
Од претпријатието ги повикуваат сите корисници кои имаат заостанат долг за потрошена вода (тужен и редовен), да ја искористат можноста за плаќање на рати без пресметана камата.
-Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје, велат од ЈП Водовод и канализација – Скопје.
Од Водовод информираат дека по истекот на денешниот ден, одлуката за отплата на долговите без камата престанува да важи.
МИА
