Отсекогаш се полемизирало дали е поздрава свинската маст или маслото за јадење. Се смета дека свинската маст е многу подобра варијанта за пржење и приготвување храна, а многумина тврдат дека јадењата се многу повкусни доколку се прават со неа. Сепак, многумина ги интересира уште една работа – дали маста има рок на траење и како да знаеме дека се расипала?
Како и кај повеќето масти кои се користат во кулинарството, свинската маст може да се расипе и да ужегне. Иако свинската маст секако може да се чува на собна температура, во оставата или на некое темно место, можноста да се расипе значително се зголемува кога температурата не се одржува константна.
Ако ја чувате надвор од фрижидер може да трае од четири до шест месеци, а ако ја чувате во фрижидер може да трае и до една година.
Кој е најдобриот начин за чување?
Најважното нешто што треба да го знаете е дека треба да ја чувате во сад кој има херметички капак. На овој начин ќе спречите претерана изложеност на воздух и со тоа ќе ја продолжите нејзината свежина. Не заборавајте да го чувате подалеку од директна сончева светлина или топлина.
Како знаете дека маста веќе не е за употреба?
Најдобар показател за свежината е дефинитивно мирисот. Ако маста има непријатен, киселкаст или специфичен мирис на ужегнато, веројатно се расипала и не треба да се користи.
Дали маста може да се чува во замрзнувач?
Како и сите намирници и свинската маст може да ја замрзнете, но тоа не значи дека рокот на траење ќе биде неограничен. Доколку одлучите да ја зачувате на овој начин, најдобро е прво да ја завиткате во хартија за печење, а потоа во проѕирна фолија. Не заборавајте да го истиснете вишокот воздух што се формирал. Вака складираната маст може да трае до година и пол.
