Значењето на пчелите во овоштарското производство е непроценливо. За редовен род на овошките, добра големина, форма и боја на плодот огромно влиајание имаат пчелите и нивното присуство во текот на цветањето на овошките.
Секој цвет е со специфична боја, големина, форма, мирис, со цел да се привлече инсектот кој ќе го изврши опрашувањето на цветот. Во производството во овоштарството, освен оревите и лешниците каде што опрашувањето е со ветер, кај другите овошки опрашувањето е со инсекти, скоро исклучиво со пчели.
Посетата на пчелата на цветот е со цел земање нектар и цветен прав, потребен за живот и размножување на пчелното друштво.
Научно е докажано дека со опрашување со смеса од цветен прав, цветниот прав од повеќе сорти во рамки на ист овошен вид, што најмасовно ги обезбедува пчелите во природата, се добиваат поголеми приноси, покрупни, поквалитетни и подобро обоени плодови.
За пчелата да даде што поголем ефект во време на цветањето потребно е да е што поблиску до цветовите. Се смета дека најголем ефект е кога оддалеченоста на пчелата од пашата е 2 км, а дека е доста слаб доколку е оддалечена 4 или повеќе километри кога остварува помал број летања и посета на помалку цветови.
Брзината на летот на пчелите е 35-45 км/ч по тивко време односно 14-28 км/ч по ветровито време. Ако во време на цветање е потопло, сончево и без ветер, може да се задоволат помал број на кошници. Доколку е поветровито и постудено, бројот на кошници треба да се зголеми, пишува Агросавјет.
Кошниците треба да се распоредат по целиот овоштарник. Се распоредуваат во време на цветање, а најдобро е да се внесуваат во овоштарник кога се отворени 10-15% цветови. Порано не треба да се внесуваат, за пчелите да не се ориентираат на цветовите на плевелот и други растенија кои цветаат.
Поради тоа најпожелно е пчелните друштва да се распоредат во самиот овоштарник во време на цветање. Се смета дека во полн цвет на овошките потребно е целосно опрашување за да се обезбедат 2-3 пчелни друштва по хектар годишно.
Вредноста на пчелите како опрашувачи посебно е значајна кога се случува експлозивно цветање. Покрај добивање на поголеми приноси на овошје, плодовите се поголеми, со поубав изглед, правилна форма, добри за транспорт, траат подолго, содржат повеќе шеќер, витамини, микроелементи, минерални материи, постигнуваат подобра цена на пазарот и сл. Приносот на некои овошни видови со опрашување од пчели може да се зголеми за неколку пати.
