Јапонците веруваат дека нивните цреши се најубави на светот, и за тоа често имаат право, затоа што во таа земја црешите се одгледувале, калемеле, се режеле со векови, така што имаат најубави цветови. Повеќето цреши во Јапонија не даваат плод или плодот е закржлавен, па црешите таму многу ретко се јадат како овошје, а кога ќе ги најдете во продавници, тие се многу скапи, неколку евра за мал букет од десетина цреши.
Сакура, како што на јапонски се нарекува црешата, почнува да цвета некаде во март, а бидејќи јапонските острови се протегаат од југо-запад до северо-исток, се шири полека на северо-исток. Кога цветаат првите цреши во Јапонија, тоа е главната вест во медиумите. Репортерите одат на местото на настанот, ги снимаат расцутените цреши, разговараат со луѓето што седат под нив, со цел да им ја пренесат таа атмосфера на оние кои се далеку оттаму. Ова трае до крајот на мај, можеби во првите денови од јуни, кога цветаат последните цреши во најсеверните делови на земјата.
Цветовите на црешата траат кратко, само неколку дена. Луѓето се собираат да го прослават цветањето на црешите на популарни локации, одржуваат излети и се фотографираат покрај расцветаните гранки.
Цветовите на црешните во Јапонија оваа година процветале најрано во последниве 1.200 години. Научниците предупредуваат дека на екосистемите ширум светот им се заканува климатска криза.
Јасујуку Аоно, истражувач на Универзитетот во префектурата Осака, собирал податоци од Кјото, од денес, па се до 812 година.
Тој открил дека цветањето на црешите во овој град се случило најрано во последните 1.200 години.
Црешите во Кјото расцветале на 26 март, а во главниот град Токио на 22 март, што е втор најрано забележан датум.
Температурите биле ниски во 1820-тите, но оттогаш се зголемија за околу 3,5 степени Целзиусови, пренесува Си-Ен-Ен.
Сепак, оваа година црешите не расцветаа порано само во Јапонија, туку и во Вашингтон.
Раното цветање на црешите според научниците е само „врв на ледениот брег“ што се однесува на климатските промени во светот кои се закануваат да ги дестабилизираат природните системи и економиите.
