Пред 20 дена, непосредно пред празниците, цената на пченицата се зголеми кога достигна речиси 300 евра за тон. Само што помина првата половина на јануари, нејзината цена падна за околу 15 евра, на најниско ниво во последните четири месеци, наведува Агрархеуте. Трендот го следеше јачменот, но и маслодајната репка, која уште позабележително осцилира, за 30 до 40 евра по тон.
Цената на тон пченица на париската берза EuroNext изнесува 263,50 евра/тон, а на берзата CME 255,87 евра/тон. Цената на пченката на париската берза е 239 евра/тон, а на чикашката 205,75 евра/тон.
Една од причините за падот на цените е јануарскиот извештај на американското Министерство за земјоделство (USDA) во кој може да се прочита дека планираните површини во САД се поголеми од очекуваното. Проценките за глобалните залихи беа зголемени и поради рекордно високите жетви во Аргентина и Австралија, што предизвика пад на цените.
Имено, приносите на аргентинската реколта на оваа житарка беа рекордни и нешто подобри од очекуваното, односно 21,8 милиони тони. Австралиската жетва беше, исто така, поголема од кога било досега, и поквалитетна од очекуваното. Извозот таму се искачи на 1,6 милиони тони само во ноември, од 505.000 тони во истиот месец во 2020 година, главно поради силната кинеска побарувачка.
