Под влијание на моќен циклонски систем со центар над Џенова, утре целата земја ќе биде зафатена од пороен дожд и бурен ветер. Најобилни врнежи се очекуваат во западните предели, каде локално ќе наврнат над 30 литри дожд на метар квадратен. Локално може да се појават и грмежи.
Ветровите ќе дуваат од јужен и југозападен правец и повремено ќе достигнуваат брзина до 90 км/час, особено во западните делови. Се апелира граѓаните да ги заштитат своите автомобили и да избегнуваат паркирање под стари или осамени дрвја.
Во Скопје и околината се очекуваат повремено обилни врнежи од дожд, со температури кои ќе се искачат до околу 16 степени.
Поради продор на поладен воздух од север, температурите ќе бидат пониски низ целата земја, од 12 до 19 степени. На највисоките планини во северозападна Македонија, над 2000 метри, ќе има повремен снег.
Утре и претпладне граѓаните треба да се подготват за бурно време, силен ветер и обилни врнежи. Внимание на планините каде снегот ќе ги обложи врвовите, а западните предели треба да се чуваат од поројниот дожд и силниот ветер.
Извор- ТРН
