Владата на Велика Британија им наложила на големите супермаркети да ја преиспитаат својата соработка со земјоделците бидејќи повеќе од две седмици владее недостиг на зеленчук и овошје во таа земја.
Британскиот министер за храна и земјоделство, Марк Спенсер рекол дека се состанал со раководители на најголемите британски продавачи на прехранбени производи за да го известат што направиле за да го ублажат проблемот во снабдувањето.
Британскиот малопродажен конзорцум кој ги претставува супермаркетите, соопштил дека трговците му рекле на Спенсер дека работат на тоа да одговорат на актуелните предизвици и дека купувачите би требало да видат подобрување во снабдувањето во следните недели.
Лидл ги следел трговските ланци Таско, Асда, Морисонс и Алди во наметнување ограничување на купувањето за домати, краставици и пиперки бидејќи снабдувањето со тие производи е намалено поради временските неприлики на југот на Европа и северот на Африка, објави Ројтерс.
Како што се наведува, кризата ја влошил помалиот зимски принос во оранжериите во Велика Британија и Холандија поради високите трошоци на енергентите.
Социјалните медиуми се преполни со слики од празните полици за овошје и зеленчук во супермаркетите.
Напишете коментар