Европската комисија одобри генетски модифицирана маслодајна репка и го обнови одобрувањето на генетски модифицираната соја за употреба во исхраната и добиточната храна.
Во соопштението на Комисијата се наведува дека одобрението на Комисијата е само за исхрана и добиточна храна и не дозволува одгледување во ЕУ, пренесува Агросмарт.
Овие ГМ култури поминале низ сеопфатна и ригорозна процедура, која обезбедува високо ниво на заштита на здравјето на луѓето и животните и животната средина, информира ЕК.
Европската агенција за безбедност на храната (EFSA) даде поволна научна оценка во која заклучила дека овие генетски модифицирани организми (ГМО) се безбедни како и конвенционалните.
Одобрувањата важат 10 години и сите производи направени од овие ГМО се предмет на строги правила за етикетирање и следливост на ЕУ.
