Косовската Агенција за храна и ветеринарство соопшти дека го подигнала нивото на контрола за пратките на производи од живина од Бразил.
Подигнувањето на ова ниво дојде како резултат на соопштението на Министерството за земјоделство и сточарство во Бразил, за неколку земји, меѓу кои се наоѓа и Косово.
„По известувањето издадено од Министерството за земјоделство и сточарство во Бразил за повеќе земји, вклучително и за Република Косово, за привремено суспендирање на сертификацијата за извоз на месо од живина и производи од него. Откако во општината Анта Горда, во Рио Гранде до Сул, беше потврдена појава на Њукаселова болест. АХВ веднаш нареди укинување на контролните мерки за целиот товар што доаѓа од Бразил. Се прави детална проверка на секоја пратка за да се увериме дека товарот е во согласност со законските правила кои исклучуваат какво било сомневање за опасност по новонастанатата ситуација создадена со појава на болеста њукасел“, се наведува во соопштението.
АХВ додава дека известувањето на државниот орган на Бразил го вклучува и признава државниот субјект на Република Косово. Сертификацијата за извоз е билатерален договор меѓу земјите и бразилскиот орган и го суспендира Меѓународниот здравствен сертификат со цел да ги исполни гаранциите и барањата за безбедност на производите.
Меѓу производите се и свежото и замрзнато месо од живина, кое се продава во земјите од регионот, вклучително и во Косово.
Од Агенцијата за храна и ветеринарство додаваат дека во соработка и координација со агенциите во рамките на Интегрираното гранично управување, косовската полиција и косовската царина, во полн капацитет ќе ги спроведат мерките согласно налогот за известување, за спречување на влез на товар од подрачјата зафатени со Њукаслова болест.
„Оваа болест е инфекција на живина и други птичји видови со вирулентниот вирус на Њукаселова болест (VND). Граѓаните како потрошувачи не треба да се грижат за безбедноста на храната или јавното здравје бидејќи болеста е од социјално-економска природа, која го загрозува само секторот живинарски фарми“, соопшти АХВ на Косово.
Во петокот беше објавено дека Министерството за земјоделство и сточарство во Бразил го суспендираше извозот на месо од живина и неговите производи, откако потврди дека има вирус.
Според бразилското министерство, прекинот на извозот на месо од живина погодува 44 земји, а меѓу нив е и Косово заедно со Албанија и Северна Македонија.
„Во согласност со меѓународните правила за извоз на живина и производи од живина, суспензијата на привремената сертификација ја врши Бразил, за да се гарантира транспарентноста на бразилската официјална служба на земјите кои ги увезуваат производите во рок од најмалку 21 ден“, објави косовски Монитор.
Извор: Слободен печат
