Сочните боровинки не само што се вкусни, тие се богати со хранливи материи, антиоксиданси, влакна и витамини. За среќа се многу лесни за одгледување само ако имате соодветна почва.
Изберете сончево место, боровинките се толерантни на сенка, но подобри резултати даваат на сонце. Не треба да бидат изложени на силни ветрови.
Боровинката е растение со плитки корени, затоа бара почва што е добро исцедена и не останува влажна. Не засадувајте боровинки на тешки глинени почви.
Боровинките успеваат на кисела почва. pH на почвата треба да биде помеѓу 4.0 и 5.0, ако не е доволно кисела почвата ќе го спречи растот. Од таа причина може да ги посадите во големи саксии (со волумен од 40 до 50 l за двогодишна садница). Садот треба да има отвори за дренажа. Посадете ја садницата и поставете ја на сончево место и одржувајте ја влагата на почвата. Неделната потребата од вода е 5 l.
Заштитете ги садниците од птици, бидејќи боровинките им се омилена храна на птиците.
Резидбата се врши после 4 години, кога се сечат исушени, кратки и слаби гранки.
Боровинките се подготвени за берба помеѓу јуни и август. Кога ќе помодрат почекајте уште два до три дена за да падне плодот сам во раката.
Садници боровинки може да набавите во расадникот на Опитно поле, Факултет за земјоделски науки и храна, во Долно Лисиче.
Боровинка сорта Duke
Извор/Опитно поле, Факултет за земјоделски науки и храна
Напишете коментар