Карло Видовиќ и неговиот татко Вјекослав од Витез (БиХ), велат дека се првите производителите на брашно од тиква во Босна и Херцеговина, а за нивните производи покрај домашните купувачи покажувата интерес и оние од другите земји, посебно од Австрија.
Дваесетгодишниот Карло Видовиќ вели дека брашното од тиква се користи во секојдневната исхрана како додаток, и дека има извонредно значење за здравјето на луѓето. „Особено е корисно за здравјето на дијабетичарите и воопшто за лицата чувствителни на глутен, бидејќи брашното од тиква не содржи глутен“, вели Карло.
Идејата за да произведуваат брашно од тиква, Карло ја добил од еден пријател од Виена, со оглед на тоа дека Видовиќ секогаш имале многу тикви.
„Од секогаш имавме мнгоу тикви, а ги користевме само за семките. Мојот пријател ми предложи да почнам да правам брашно од нив и тогаш прв пат слушнав дека постои такво нешто. Во БиХ никој друг не го произведува ова брашно, освен еден или двајца луѓе во Хрватска, а во светот ова производство е доста признато“, раскажува Карло.
Со оглед на таквата ситуација, Карло и неговиот татко, пред една година почнале да истражуваат, а брашното од тиква почнале да го произведуваат пред два месеци. Отворил и сопствена фирма и ја нарекол „Кавидо“.
Како што појаснува Карло, брашното го произведуваат така што прво од тиквата ја отстрануваат кората и потоа продолжуваат со остатокот од процедура.
„ Конструиравме струг кој на почетокот служеше за обработка на дрвото, го зголемивме за да може да ја опфати тиквата и така ја отстрануваме кората, потоа се вадат семките и на крајот тиквата се сечи на тенки листови за да се исуши. Откако ќе се исуши, оди на мелење и така се добива брашно“, појаснува Карло Видовиќ.
Карло моментално оваа работа ја извршува заедно со неговиот татко Вјекослав (50), и моментално немаат други вработени но, тоа не значи дека во иднина нема да ги имаат, бидејќи планираат да го прошират производството.
– „Моментално големата сушара ни е во дефект, така да не можеме да ги задоволиме потребите на пазарот, па произведуваме брашно само за наши потреби и за пријателите. Планирам идната година да го прошириме производството и да почнеме да правиме и други производи како на пример: масло од тиква, масло од орев и брашно од орев“, вели Карло.
Истакнува дека имаат доста заинтересирани за купување на брашно до тиква, како од БиХ, така и од странство.
-„Имаме доста заинтересирани и од Австрија, но за жал оваа година не можеме да ја задоволиме големата побарувачка“, појаснува Карло.
Тој додава дека пазарната цена на ова брашно е околу 12 евра за килограм и дека има во план брашното да го пакува во кеси од 250 и 500 грама.
Вјекослав Видовиќ истакнува дека ваквото производство има голема перспектива но потребни се големи количини на тикви, бидејќи од 10 килограми тикви се добива еден килограм брашно.
-„Имаме доволно количини на тикви за моментално производство на брашно, а ако ни треба повеќе, секогаш можеме да купиме од мештаните. Во случај да ни работи големата сушара, би можеле да произведуваме повеќе брашно. Во една сеозната правиме до 20 килограми брашно со ова мало домашно производство“; изјави Вјекослав Видовиќ.
Извор : Nezavisne
