Без вода денеска од 8:30 часот ќе останат корисниците на потегот од Градски парк до Владата, како и од булеварот „Илинденска“ до Градскиот стадион, а од 9 часот и дел од корисниците на булеварот „Гоце Делчев“, дел од објектите на Македонската телевизија и населбата Крњево.
Како што соопшти Регионалниот центар за управување со кризи на Град Скопје, прекинот со водоснабдување е поради уличен дефект на водоводна мрежа на улицата „Коле Неделковски“ бр. 5 во Општина Центар, и дефект на приклучна цевка со пречник Ф-150 милиметри на улицата „Дана Стуцки“ бр. 18, исто така во Општина Центар.
Без струја во одреден период од денот денеска ќе бидат дел од корисниците во општините Илинден и Аеродром.
Како што информира ЕВН Македонија АД денеска во период од 9:00 до 14:00 часот без струја ќе бидат корисниците на дел од ул.11 и ул.1 во општина Илинден.
Во период од 09:00 до 14:00 без струја ќе бидат корисниците на ул.„Милан Зечар“, ул.„Вангел Тогоровски“, ул.„Пандил Шишков“, ул.„Руди Чајковец“ во општина Аеродром.
