Цените на бакарот достигнаа рекордно високи нивоа и се очекува да продолжат да растат бидејќи глобалниот недостаток на метали продолжува, а залихите на пазарот се намалуваат.
Пред неколку дена, овој метал, за кој велат дека е „црвено злато“ и „новата нафта“, достигна вредност од 10.000 долари, а сега вреди 10.578 долари по метрички тон.
Инвеститорите, наводно, се свртеле кон овој метал бидејќи се загрижени за глобалното економско закрепнување откако пандемијата постепено се смирува.
Масовните кинески набавки на рафиниран бакар беа првичниот двигател на закрепнувањето на цената по пандемијата. Државата увезла 4,4 милиони тони во 2020 година, што е за 1,2 милиони тони повеќе од претходната година.
Во меѓувреме, вработените во рудниците за бакар во Чиле, кој е број 1 светски производител на бакар, наводно планираат да гласаат за штрајк, откако не успеале преговорите за договор. Рудниците сочинуваат скоро 20% од годишното производство на бакар во земјата, што доведува до повисоки глобални цени на металот.
Извор: telegraf.rs
