Агенцијата за финансиска поддршка во земјоделството и руралниот развој на 30.04.2022 година објави јавен повик од мерка 121 за кофинансирање на инвестиции во подигнати нови лозови и овошни насади како и повеќегодишни ароматични растенија. Периодот кој е опфатен со поддршката – од 01 април 2021 година до 31 март 2022 година.
Прифатливи се трошоците за набавка на новите насади, градежни материјали и елементи за потпорна конструкција, како и услуги од трети лица за подготовка на земјоделското земјиште и извршување на градежните работи. Максималната поддршка по корисник изнесува 6 милиони денари, а кофинансирањето се движи од 50 до 75 %.
Краен рок за доставување на барањата за исплата е 31.05. 2022 година, објави Никица Бачовски, директор на АФПЗРР.
