Новиот Интервентен фонд за поддршка на земјоделците, кој ќе се формира во 2022 година, ќе обезбеди средства во висина од 250 милиони денари преку амандманска интервенција на Предлог-буџетот за 2022 година.
„Ја поздравувам амандманската иницијатива за определување на поддршка во форма на интервентен фонд. Агенцијата е спремна да ги имплементира сите инструменти кои предвидуваат субвенционирање и било каква останата поддршка за македонското земјоделство“, изјави за Агротим Никица Бачовски, директорот на Агенцијата за финансиска поддршка во земјоделството и руралниот развој.
Со формирањето на Интервентниот фонд во Агенцијата за поддршка на земјоделството и руралниот развој во 2022 година ќе се поддржи стандардот на земјоделците.
„Сите сме свесни дека земјоделството е важен сектор во нашето стопанство и дека има потреба да се интервенира кога на пазарот има пореметување, особено кога цените се на ниво кога земјоделците не можат да ги покријат трошоците“, рече министерот за финансии Фатмир Бесими во рамки на амандманската расправа.
