Agrotim

  • Дома
  • Агровести
  • Пазари
  • Субвенции
  • Фондови
  • Механизација
  • Рурален Развој

Атанасов: Се трасира патот за извоз на производи од месо во САД


Директорот на Агенцијата за храна и ветеринарство продолжува со одржување работни состаноци со операторите со храна на кои претставниците од компаниите подетално го запознаваат со своето работење, новините, но и пречките со кои се соочуваат во текот на својата работа. Во таа насока, директорот Атанасов на 22 јануари, оствари средба со менаџерскиот тим на Ука Комерц, фамилијарна компанија која е основана во 1991 година и чија основна дејност е производство и ставање во промет на сувомеснати производи.

За време на состанокот, сопственикот на Ука Комерц, г-дин Адем Абази, го изрази своето задоволство од несебичната соработка и поддршка на Агенцијата за храна и ветеринарство во исполнувањето на мисијата на компанијата односно обезбедување највисок квалитет на сопствените производи и одржување на довербата на потрошувачите на домашниот но и меѓународниот пазар. Компанијата произведува широка палета сувомесни производи од говедско и пилешко месо, согласно сите меѓународни стандарди за квалитет и безбедност (ISO 9001 и HACCP, HALAL), користи модерна и современа технологија, а сето тоа е заокружено со ангажиран високо-квалификуван персонал.

Успешната соработка со бизнис секторот, стручноста на вработените и посветеноста на работата и заложбите како на тимот на Агенцијата за храна и ветеринарство, така и на самите компании, неодaмна уште еднаш се докажа дека резултира со успех не само на национално ниво туку и на меѓународен план. Од неодамна Ука Комерц е уште една компанија на листата на објекти која е одобрена за ставање на своите производи на пазарот на Европската унија.

На барање на бизнис заедницата во Република Северна Македонија во областа на месната индустрија, меѓу кои е и Ука Комерц, Агенцијата за храна и ветеринарство воспостави комуникација со надлежните служби во Соединетите Американски Држави во насока на усогласување на законските барања за увоз на производи од месо на пазарот на САД. Директорот Атанасов го искористи денешниот состанок да го информира менаџерскиот тим на Ука Комерц дека активностите за усогласување на националното законодавство со барањата за увоз во САД се во напредна фаза, а по нивно финализирање операторите ќе бидат детално запознаени со постапката на одобрување и извоз на производите од месо на пазарот на САД.

На крајот на состанокот директорот Атанасов и г-дин Абази ги изразија своите намери и посветеност за продолжување и продлабочување на соработката во насока на исполнување на очекувањата и барањата на домашните потрошувачи, но и со цел признаеност и препознатливост на квалитетот на производите на меѓународниот пазар.

Јан 24, 2020agrotim2
Нема повеќе штети од град: Владата го објави јавниот оглас за авионско засејување на облаците за превенција од природни непогодиСо средства од мерката Млад земјоделец се отвораат нови и осовременуваат постојните фарми

Напишете коментар Откажи одговор

24/01/2020 Агровестиахв, Зоран Атанасов, Извоз на производи од месо во САД, Ука комерц285

Соработка

Агротим е секогаш отворен за соработка со фирми или поединици. Повеќе информации за Агротим:

Phone: + (389) 71 225-345

Email: [email protected]

Изработка на апликации за ИПАРД и ФИТР

За информации и изработка на апликации за јавните повици на ИПАРД и Фонд за иновации и технолошки развој:

Phone: 071 285 385

Email: [email protected]

Страници

Агенција за финансиска поддршка во земјоделството и руралниот развој


Агенција за храна и ветеринарство


Регистри на државно земјиште


Електронско наддавање


ИПАРД


Државен инспекторат за земјоделство


Агенција за поттикнување на развојот на земјоделството


Консолидација на земјоделско земјиште


Македонски почвен информативен систем (МАСИС)


Кампања на ЕФСА „Стоп за африканската свинска чума“


МЗШВ закони


Накратко за нас

Агротим.мк е специјализирана платформа за информации од агрокомплексот и агроберза.

Агротим.мк функционира како сервис на земјоделците и претставува систем кој ги интегрира сите чинители во овој сектор – Земјоделските примарни производители, преработувачите, откупувачите, трговците и Владата преку доближување на мерките кои се во интерес на профитабилен агробизнис.

Голем дел од нашиот ангажман го посветуваме на едукација на земјоделците преку директни контакти и средби, а со цел приближување на европските стандарди за конкурентно и профитабилно земјоделство.

Страници
  • За нас
  • Импресум
  • Маркетинг
  • Услови за користење
  • Контакт

Сите права се задржани © АГРОТИМ МК - 2019