Албанскиот министер за земјоделство и рурален развој Бледи Чучи објави дека земјоделството во таа земја во првото тромесечје доживува раст и дека никакви мерки за помош на албанските земјоделци не се потребни.
Во средата албанскиот министер за земјоделство и рурален развој Бледи Чучи објави дека владата нема намера да носи никаков пакет мерки за помош на земјоделците бидејќи тој сектор не е погоден со кризата предизвикана со кроона вирусот, извесува албанскиот портал Ексит.
Чучи потврди дека земјоделскиот сектор на оваа земја доживува раст во производството, извозот и продажбата. Земјоделството е единствен сектор во стопанството кој не ги запре активностите во време на пандемијата, истакнува министерот.
Со ова не се сложуваат албанските земјоделци, кои истакнуваат дека се соочени со недостиг на работна сила во пролетната берба, а падот на потрошувачката и регионалниот извор предизвикал и трупање на вишокот. Исто така, земјоделците се жалат дека поради затворените земјоделски аптеки не можеле да купат пестициди и да ги заштитат земјоделските култури на време.
Како што објави агенцијата АТА, министерот во разговор за телевизијата изјавил дека извозот на земјоделските производи од Албанија во април пораснал за 13.5 %, а земјоделскиот сектор во првиот квартал доживеал раст од 8.3% во однос на истиот период минатата година.
