Агенцијата за финансиска поддршка во земјоделството и руралниот развој (АФПЗРР) на 27.12.2024 го најави новиот Јавен повик 01/2025 за доставување на барања за користење на средства од ИПАРД програмата преку Мерка 1 „Инвестиции во основни средства на земјоделски стопанства“.
Финансиските средства на претстојниот повик ќе бидат наменети за следните сектори:
- Сектор за растително производство, и тоа следните потсектори:
- Житни култури
- Индустриски и фуражни култури
- Лозови насади (само вински сорти)
- Други култури од Анекс I кои не се поддржани во рамки на Мерка 7
- Сектор за сточарско производство, и тоа следните потсектори:
- Говеда (за: млечно говедарство, гоење)
- Свињи (за: репродукција, гоење)
- Овци и кози (за: млечно овчарство, козарство, гоење)
- Живина (кокошки несилки, пилиња одгледувани за производство на месо – бројлери)
- Друг добиток од Анекс I што не е поддржан во рамки на Мерка 7
- Сектор рибарство: фарми за аквакултура за слатководни риби
- Преработка и директен маркетинг на сопственото земјоделско производство на фарма, и тоа следните потсектори:
- Млеко и млечни производи
- Јајца, месо и производи од месо
- Овошје и зеленчук, вклучувајќи компири и мешункасти култури
- Шира, сок од грозје, вино
ПРИФАТЛИВИ ИНВЕСТИЦИИ:
• Изградба или реконструкција на објекти и друг недвижен имот на земјоделското стопанство
(како што се објекти за одгледување на добиток, складирање на храна, итн) ;
• Набавка и/или инсталирање на нови машини/опрема за подобрување на стандардите на
благосостојбата на животните (постојан пристап до свежа вода, исхрана, сместување и
размножување, чистење на арското ѓубре, одмор на отворен простор итн.);
• Набавка и/или инсталирање на нови машини/опрема за заштита на животната средина
(енергетска ефикасност, контролирани климатски услови, справување и складирање на арско
ѓубре, отпад и третман на нус-производи, третман на вода, итн.), вклучувајќи и ублажување на
последиците од климатските промени (заштитни покривки, сенки и сл), вклучувајќи и
обезбедување на електрична енергија и/или греење со користење на обновливи ресурси за да
се задоволат потребите на земјоделското стопанство за сопствените активности на
земјоделското производство;
• Набавка на специјализирани транспортни приколки и возила, како што се земјоделски
приколки, резервоари за млеко, транспортни разладни резервоари за превоз на
производството, транспорт на живи животни и живина, специјализирана опрема за транспорт
на арско ѓубре, транспорт на опрема за биомаса и сл.;
• Развој на инфраструктура на земјоделско стопанство, вклучувајќи изградба и
реконструкција на патиштата и патеките на земјоделското стопанство, инсталации за
снабдување со електрична енергија, водоснабдување и канализациони системи, одводнување
(дренажа), артески бунари, оградување, итн. и други подобрувања на надворешниот простор од
имотот на корисникот за задоволување на потребите на земјоделското стопанство за своите
земјоделски активности.
Претстојниот јавен повик на ИПАРД III програмата овозможува зголемени можности по однос на типот на инвестиции, поголем обем на потенцијални корисници, а се поддржуваат инвестиции во основни средства на земјоделски стопанства во насока на подобрување на вкупните перформанси, економската продуктивност и конкурентноста на земјоделските стопанства.
Јавниот повик ќе трае 45 дена сметано од денот на објавување.
За повеќе информации и изготвување на апликации на телефонскиот број 071 225- 345.
