АХВ објави Jавен повик за експерти од повеќе области

Со цел формирање на Националните панели, Агенцијата за храна и ветеринарство на 20.02.2020 објави јавен повик за избор на експерти. Учесниците на научните панели се избираат по пат на отворен повик за апликација за искажување на интерес во согласност со Правилникот.

Научните панели се организираат за десет стручни области од делокругот на работата на Националниот совет за безбедност на храна и храна за животни, и тоа:

1. Панел за здравствена заштита и благосостојба на животните;
2. Панел за биолошки опасности;
3. Панел за контаминенти во синџирот на храната;
4. Панел за диететски производи, исхрана и алергии;
5. Панел за адитиви и ароми;
6. Панел за средства за заштита на растенијата и нивни резидуи;
7. Панел за здравје на растенијата;
8. Панел за адитиви и производи или состојки употребени во храната за животни;
9. Панел за материјали во контакт со храната, ензими, додатоци во производство и
   ензими и технолошки помагала и
10. Панел за генетски модифицирани организми.

Поблиски критериуми за избор на експертите за работа во Националната платформа во одделни области се:

• Да имаат најмалку осумгодишно работно искуство,
• Да се истакнати работници во струката,
• Да имаат објавени научни трудови од областа за која се повикани, како и да има објавено најмалку два научни трудови како прв автор и најмалку два труда како втор автор од областите наведени во Панелите и тоа:

Во прилог на Јавниот повик е “Правилникот за формата и содржината на барањето за вклучување на експерти  во листата  на Националната платформа,  поблиските  критериуми за избор и висината на надоместок за работа на учесниците во Националната платформа“ во кој е Барањето за вклучување на експерти во листата на Националната Платформа.  

• Правилник
• Барање

Рокот за доставување на апликациите од експертите е 30 дена од денот на објавувањето. Пополнетото и потпишано Барање, заедно со потребните документи посочени во Јавниот повик и во правилникот „Правилник за формата и содржината  на  барањето  за вклучување на експерти  во листата  на  Националната платформа,  поблиските  критериуми  за избор и висината на надоместок за работа на учесниците во Националната платформа, да се достават во архивата на Агенцијата за храна и ветеринарство“.