Агенцијата за стокови резерви ќе набави 15.000 тони пченица исклучиво од македонско производство нема да бидат од увозен карактер, вчера на седница на Влада беше стопирана одлуката за објавата за набавка се со цел да се сменат сите правила на игра за да биде македонската пченица таа што ќе биде откупена – изјави министерот за земјоделство, шумарство и водостопанство, Цветан Трипуновски.
Тој информира и дека дополнително ќе се продолжи мерката за складирање на пченица и јачмен.
-За да излеземе во пресрет во оваа тешка ситуација, ќе ја продолжиме мерката за складирање на пченица и јачмен, ќе го продолжиме рокот се со цел со сите оние земјоделци коишто ќе не можат или нема да сакаат да ја предадат пченицата да им овозможиме да ја складираат којшто државата ќе го покрие тој трошок. Ќе го следиме процесот на жетва и на откуп на лебното жито, ние како Министерство секогаш, и во минатото како опозиција, сме биле посветен партнер на земјоделците, ќе го следиме овој процес и ќе останеме тие што ќе се грижат да земјоделците и оваа година бидат задоволни од тоа што ќе го обработуваат – изјави Трипуновски и додаде дека по завршување на жетвата ќе се работи на структурни промени за да нема проблеми пред жетва.
-По завршување на оваа жетва веќе ќе работиме на структурни промени се со цел идната реколта 2025 година да немаме вакви проблеми, да секоја година во текот на жетвата се решаваат ситуациите и се дефинираат цените, тоа значи структурни реформи коишто ќе бидат на пиедестал земени земјоделците, сите оние проблеми коишто ги имаат и во делот на субвенционирањето и во делот на мерките проектите се со цел да имаме производна година којашто ќе биде предвидлива, а не како досега да во текот на жетвата се дефинираат работи – рече Трипуновски.
