Македонската берза денеска официјално ќе го почне проектот за поттикнување и подготовка на македонски компании за пазарно финансирање. Проектот е поддржан од ЕБРД врз основа на потпишаниот Меморандум за соработка, а ќе се имплементира од PWC Северна Македонија и PWC Хрватска.
Во рамки на проектот, најмногу десет компании ќе добијат професионална и независна проценка на нивната подготвеност за пристап до пазарот на капитал преку издавање акции или обврзници, ќе учествуваат на специјална лидерска академија и ќе добијат конкретни препораки за понатамошна подготовка за пазарно прибирање финансиски средства.
– Имплементацијата на проектот треба да придонесе за создавање на нови финансиски инструменти и издавачи на Македонската берза, велат од Македонската берза.
МИА
