Меморандум за соработка беше потпишан денеска меѓу здружението ,,Македонски семејни винарии” и средното општинско Земјоделско шумарско училиште ,,Ѓорче Петров” во Кавадарци.
– Меморандумот за соработка се однесува во сферата на научната и стручната дејност, од областа на земјоделство, ветеринарство и рибарство, рече Горан Јаковлевски, претседател на „Македонски семејни винарии”.
Во изјава за МИА Јаковлевски, изрази задоволство што ќе соработуваат со ова средно училиште што постои 70 години и од кое произлегле безброј талентирани енолози, од кои некои веќе имаат свои мали фамилијарни винарии.
– Заеднички ќе ги споиме љубовта кон традицијата и искуствата во лозаровинарството како значајна економска гранка во државата и ќе ги презентираме и промовираме нашите богатства, богатствата на најголемиот лозаровинарски регион во државата. Ќе бидеме македонски вински амбасадори и ќе работиме на привлекување на што е можно повеќе вински туристи и што е можно поголема продажба на нашите извонредни сорти и на грозје и производи од грозје, подвлече Јаковлевски.
Македонски семејни винарии
