Министерството за европски прашања и Институтот за европска политика (ЕПИ) денеска го организираат Третиот состанок на Националниот консултативен механизам за Реформската агенда (НКМ-РА) во рамки на проектот „WB Reform and Growth Monitor”.
Како што е најавено, во рамки на состанокот ќе има и јавна панел дискусија на која ќе се обратат министерот за европски прашања и националниот координатор за спроведување на Реформската агенда, Беким Сали, шефот на секторот за соработка при Делегацијата на Европската Унија во Северна Македонија, Штефен Худолин, професорката на Економскиот институт, Силвана Мојсовска и директорката на ЕПИ, Симонида Кацарска.
-Имплементацијата на Реформската агенда на Северна Македонија (РА) бара инклузивен пристап и придонес од сите засегнати страни со цел нејзино успешно спроведување, а преку тоа и унапредување на економскиот потенцијал на државата. Во таа насока, неопходна е широка дискусија за Реформската агенда, како и воспоставување потенцијал за соработка и активна вклученост на сите засегнати страни, со цел обезбедување успешни и одржливи реформи и забрзување на процесот на ЕУ интеграцијата, наведува ЕПИ.
ЕПИ го спроведува проектот „WB Reform and Growth Monitor” со мрежата Мисли за Европа (Think for Europe – TEN) и Транспаренси интернешнл од Босна и Херцеговина.
ЕПИ
