Во рамките на проектот „Поддршка за оформување производство под пластеници од страна на продуктивните жени во Република Македонија“, денес во с. Корешница, Демир Капија, се одржа церемонија по повод доделување опрема за стакленици и земјоделска механизација.
На настанот присуствуваа претставници од населените места во нашата држава кои се вклучени во проектот, меѓу кои Корешница, Тремник и Бистренци, како и претставници од ТИКА, г-дин Тахсин Ибрахим – претседател на МАТУСИТЕБ, г-ѓа Шејма Бабајигит – координатор на Турската агенција за соработка и координација во Скопје, и г-дин Фатих Улусој – амбасадор на Република Турција во Република Македонија.
Канцеларијата за координација на проекти на ТИКА во Скопје ќе обезбеди материјали за поставување на 100 пластеници, високоприносен семенски материјал за зеленчук (домат и пипер), како и 50 моторни култиватори за обработка на почвата.
Овој проект претставува значајна поддршка за развојот на земјоделството и за економско јакнење на жените од руралните средини. Со создавање подобри услови за работа и поголема продуктивност, како поставување на пластеници, обезбедувањето високоприносен семенски материјал и земјоделска механизација, се придонесува кон посигурни приходи и поквалитетен живот за многу семејства.
Заедно придонесуваме за посилна локална економија и развој на руралните заедници.
