Езерото “Младост” ја доби карактеристичната зелена боја како резултат на цветањето на алгите, глетка што ја немавме видено во изминатите две години. Ова е показател дека досегашните преземени чекори за еко-обнова и ревитализација на езерото даваат резултат и зголемено е нивото на кислород во водата.
Но, нема да запреме тука. Вчера ја добивме информацијата дека е одобрен проектот за втората фаза чистење на Отовичка река, кој ќе се реализира во соработка со Центарот за развој на вардарски плански регион, Министерството за локална самоуправа и Бирото за регионален развој, а ЈПВ “Лисиче” е пред потпишување на договор со фирма изведувач за изведба на бушотини на две локации за дотур на свежа вода.
Езерото “Младост” е срцето на Велес и со заедничка и посветена работа ќе продолжиме да го враќаме сјајот кој го заслужува, напиша на социјланите медиуми Градоначалникот на Општина Велес, Марко Колев.
