Во текот на денешниот ден времето во државава ќе биде сончево со умерена локална облачност. Во попладневните часови локално ќе биде нестабилно со пороен дожд, грмежи и засилување на ветерот, особено во источните предели од државава.
Ќе дува слаб до умерен ветер претежно од западен правец и истиот на запад и во Пелагонија ќе засилува. Максималните дневни температури на воздухот поради продор на потопла воздушна маса од југ, ќе бележат тенденција на пораст и ќе се искачуваат во интервалот од 22 до 29 степени.
Во Скопје и околината времето ќе биде сончево со умерена облачност, особено попладне кога ќе има услови за локален краткотраен дожд и ретки грмежи. Ќе дува слаб до умерен ветер од северозападен правец. Максималната дневна температура на воздухот ќе се искачи до околу 27 степени.
Потоа и во следните денови во претпладневните часови ќе имаме сончево време со умерена облачност. Во попладневните часови локално ќе биде нестабилно со пороеон дожд, грмежи, засилен ветер и услови за локална појава на град. Температурите на воздухот ќе се искачуваат во интервалот претежно од 23 до 30 степени. Во најтоплите предели од државава истите има услови да се искачат само малку над 30 степени.
Временската прогноза ја подготви Славчо Попоски
