Законот за органско земјоделско производство беше усвоен во Собрание, означувајќи важен чекор кон развојот на земјоделството и усогласувањето на државата со европските стандарди.
(1) За производство на органско вино и органските производи од вино се применуваат барањата утврдени во овој член, како и барањата утврдени во членовите 11, 12 и 13 од овој закон и посебните прописи со кои се уредуваат производите од вино.
(2) Органското вино и органските производи од вино треба да се произведуваат од органски суровини.
(3) Само производите и супстанциите кои се одобрени за употреба во органското земјоделско производство во согласност со овој закон и прописите донесени врз основа на овој закон, може да се користат за производство на органско вино и органски производи од вино.
(4) Дополнителните барања за производство на органско вино и органски производи од вино кои се однесуваат на енолошките практики, процеси и постапки, употребата на одредени производи и супстанци, енолошки средства и начин на обработка кои се одобрени во производството на органско вино и органски производи од вино, поблиску ги пропишува министерот со прописот од членот 18 став (7) од овој закон.
Службен весник на РСМ бр.56/2026 од 17.03.2026 влегува во сила на 25.03.2026, ќе започне да се применува од 1 јануари 2027 година.
