Босилекот (ocimum basilicum) е едногодишно тревно растение со четвртасто стебло високо 30 – 50 см. Стеблото е право со многу исправени гранки и гранчиња. Листовите се големи, едноставни, јајцевидни и светло зелени. Долните листови се големи, а горните се помали. Цветот е мал, бел и се наоѓа на горниот дел од стеблото. Плодот е оревест со светлокафеава боја.
Босилекот е зачинско растение кое се користи во многу јадења и е широко користено во многу светски кујни. На многу места се нарекува царско растение. Често се користи како декоративно растение во кафулиња и ресторани. Целото растение има пријатен мирис и арома. Босилекот се одгледува на температура од 20 до 30 степени. На пониска температура, нема да се развива добро, а на температура од -5 угинува. Сака влажна, мека и плодна почва.
Ако одлучите да одгледувате босилек дома, се препорачува да купите висококвалитетна почва во специјализирани цвеќарници. Можете да го засадите растението во саксија или кутија која не мора да биде голема. Длабочина на садење од 10 до 15 см. На дното од саксијата ставете рака песок или камчиња кои ќе служат како дренажа. Откако ќе ги засадите семето, одржувајте ги растенијата на топло додека не никнат. Не заборавајте често да полевате, каде се препорачува и млака вода.
