Од 900 пумпи што останаа без барем еден вид гориво, 700 припаѓаат на компанијата „Тотал енерџи“, објави Министерството за енергетика, додавајќи дека ова е предизвикано од логистички проблеми, а не од домашен недостаток на залихи.
Последиците од конфликтот и затворањето на клучниот воден пат на Ормускиот теснец го лишуваат светот од милиони барели нафтени производи секој ден, пишуваат медиумите.
Недостатокот на залихи се манифестира насекаде, од празни бензински пумпи до приземјени летови, што предизвикува вртоглаво зголемување на цените на горивата.
Во вторникот, „Тотал енерџи“ го продолжи ограничувањето на цените на бензинот и дизелот на бензинските пумпи низ континентална Франција до 7 април.
Портпаролката на владата, Мод Брежон, изјави дека помалку од 10 проценти од француските бензински пумпи пријавуваат недостиг, огромното мнозинство затоа што „Тотал енерџис“ вовела ограничувања на цените, што предизвикало наплив на потрошувачи да полнат бензин.
Таа рече дека Франција сè уште има стратешки резерви на нафта од околу 100 милиони барели и сè уште не ги ослободила сите 14,5 милиони барели што ги дала како што вети Меѓународната агенција за енергија, објави Информер.
