Производителот Крсте Дукоски од Прилеп и оваа година планира да засади тутун на 3 ха површина.
Поради врнежите и неможноста да се изора порано, деновиве ја извршува агротехничката мерка орање.
Минатата година вели дека добро поминал со производството на тутун, задоволен од произведениот тутун и од количината, но за цената вели дека била пониска од трендот на инфлацијата и зголемување на трошоците.
Новата реколта исто така ја почнува со зголемени трошоци, особено за нафта.
-Трошоците се зголемени за 30% особено за нафтата како и за другите репроматеријали. Ако вреќа ѓубриво лани беше 750 денари сега е 1.200 денари за 25 килограм и тоа значително го поскапува производството – вели Дуковски.
Реакцијата на тутунопроизводителите околу намалената субвенција останува како и очекувањата за исплата на истата.
–
