Компанијата “Boston Dynamics” обајви промотивно видео со куче робот – овчар, наречен Спот, кој ги тера овците во стадото на едно од пасиштата на новозеландските планини. Целта била да се испита како напредува далечинското контролирање на роботот, па да се усоврши начинот за негово управување и таквите роботи како Спот сами да можат да ја извршуваат својата задача.
Велат дека оваа компанија, на земјоделците би им овозможила постојан и секојдневен надзор над роботите и при собирањето на податоци при проверување на посевите, фазите на развој и останато. Покрај тоа, роботите како Спот можат и да одат, да се тркалаат, дури и да летаат а опремени се и со разни сензори за проценка на животната средина.
– “ Кога ќе се спојат информации добиени од роботите се комбинираат со податоци од софтверот со вградена роботика и така се постигнуваат идеални физички перформанси“, изјави извршниот директор Рокоса Дејвид Ингс и додава „ Нашите купувачи ангажираат работна сила за физички работи кои често се досадни, валкани или опасни, а идејата е, да таквите работи во целост да ги превземат роботите како Спот“.
Ваква машина, велат од компанијата, може да се користи и во подрачјата кои не се сигурни за луѓето, на пример, после некоја катастрофа, а веќе се употребуваат за надгледување на инфраструктурата на енергетската индустрија. Неодамна токму таков робот се движеше меѓу луѓето во Сингапур и ги предупредуваше за обврската за држење на физчка дистанца поради пандемијата на корона вирусот.
Земјоделците и не се баш воодушевени
Иако ја видоа само пробната снимка и во еден дел се прикажува многу забавен тест, бројни земјоделци со него и не се баш воодушевени. Писателот и сточар Џејмс Ребански за The Verge признал дека таа замисла за него е застрашувачка.
Нагласува дека роботите немаат моторички способности и потребната интелигеција за таква работа.
– “ Овците го прават сето она што им го покажува кучето. Ако тоа оди десно и тие одат таму, а ако оди на лево и тие исто така одат по него. Роботот во еден момент може да се расипе и да се направи хаос во стадото и да ја пореметат нивната концепција. Можеме да видиме и во видеото дека и баш не му се послушни“, појаснува Ребански. “ Роботот би можел да биде неверојатно средство за многу работи но е бескорисен и непожелен како куче овчар. Нам кои се занимаваме со одгледување на овци не ни е потребен и не сакаме таква помош од технологијата. Врската меѓу овците и кучето постои веќе стотици години.. Тоа се две интелигентни суштества кои се научени едно на друго и мислам дека тоа не би смееле да го менуваме“, заклучи тој.
Овој тип на робот постои веќе неколку години, а постојано му се подобруваат способностите и интелигенцијата. Така е на пример, отворањето на вратата е еден од најновите трикови кои Спот неодамна ги сувои. Сепак дали таа идеја е остварлива и дали може роботот навистина да ја превземе работата на куче чувар, се уште не е јасно.
Извор: Agroklub
