До крајот на денов времето ќе се задржи претежно облачно и посвежо со повремени врнежи од дожд. Локално ќе има услови за развој на нестабилност проследена со пороен дожд и грмежи, ќе дува умерен до засилен ветер од северен правец додека максималните дневни температури на воздухот ќе се искачуваат во интервалот од 14 до 22 степени.
Во Скопје и околината денес ќе има повремени врнежи од дожд а ќе дува и умерен до засилен ветер од северен правец. Максималната дневна температура на воздухот се очекува да се искачи до околу 18 степени.
Потоа утре и во сабота ќе имаме стабилно, суво и сончево време со мала до умерена локална облачност. Ќе дува и умерен ветер од северен правец кој особено Долж Повардарието ќе засилува. Максималните дневни температури ќе се искачуваат во интервалот од 18 до 25 степени.
Во недела како и на почетокот од следната недела во попладневните часови повторно ќе има услови за локален дожд и услови за појава на грмежи.
Временската прогноза ја подготви Славчо Попоски
